O Concello de Carnota ten previsto a organización dun mercado os días 30 e 31 de decembro de 2023 e unha festa de fin de ano. O horario de apertura do mercado será o seguinte: o sábado 30 de 11:00 a 14:30 e de 17:00 a 20:300 h. e o 31 de 11:00 a 14:30 h.
Tanto o mercado como a festa terán lugar no interior dunha carpa na praza San Gregorio, en Carnota.
Aquelas persoas ou empresas interesadas en instalar un posto durante o mercado (comercio, artesanía, restauración, etc.) deberán realizar a solicitude correspondente enviando un correo-e a cultura@carnota.gal indicando os seguintes datos:
- Asunto: inscrición para participar como expositor no Mercado de Fin de Ano
- Nome do titular do posto
- Nome comercial do posto
- Descrición da actividade
- Fotografía do posto
- Teléfono de contacto
- Outros datos de interese no caso de que o considere necesario.
O prazo de inscrición permanecerá aberto ata o 15 de novembro.
