Proxecto EIXO
O Plan de Emprego Local da Deputación da Coruña vai impartir un curso de formación de “LIMPEZA DE ESPAZOS ABERTOS E INSTALACIÓNS INDUSTRIAIS”.
Trátase dunha acción formativa teórico-práctica que se realizará nas instalacións que oferta a empresa adxudicataria da formación.
Ademais da formación teórico-practica o curso inclúe tamén obrigatoriamente formación transversal en materia de igualdade de oportunidades, formación en idiomas e fomento de utilización das tecnoloxías da información e comunicación.
Tamén se inclúen 80 horas de prácticas en empresas e 60 horas de formación en Prevención de riscos Laborais.
A data de inicio, está prevista para mediados do mes de marzo.
Tamén se prevé a concesión dunha axuda/bolsa económica para as persoas participantes.
REQUISITOS DO ALUMNADO:
-Ter entre 16 e 30 anos de idade.
-Estar inscritos/as nalgunha das Oficina de Emprego da provincia da Coruña.
-Estar empadroado/a nalgún dos concellos de menos de 50.000 habitantes da provincia.
-Estar rexistrado/a no ficheiro do Sistema Nacional de Garantía Xuvenil
NON SE ESIXEN REQUISITOS ACADÉMICOS
https://garantiajuvenil.sepe.es/login.acton
DOCUMENTACIÓN PARA A INSCRICIÓN:
– Ficha de solicitude completamente cuberta e asinada.
– Ficha de historial da persoa candidata cuberta e asinada e CV formativo e profesional.
– Copia do DNI por ambas as caras.
– Tarxeta ou documento que acredite o número de afiliación á Seguridade Social.
– Certificado/volante actualizado de empadroamento.
– Tarxeta de demanda de emprego debidamente actualizada (non se considerarán as tarxetas de demanda de mellora de emprego).
– Documento que acredite a inscrición no rexistro do Sistema Nacional de Garantía Xuvenil. Para obter este documento hai que acceder á zona persoal na plataforma de Garantía Xuvenil e descargalo en formato pdf no apartado de “notificacións” (https://garantiajuvenil.sepe.es/login.action).
LUGAR E PRAZO DE INSCRICIÓN:
As inscricións formalizaranse no Departamento de Promoción Económica do Concello de Carnota ata o 4 de marzo.
LUGAR DE REALIZACIÓN: Muros