Rematado o prazo para a presentación de vídeos ao CONCURSO VIRTUAL DE ENTROIDO, reuniuse o xurado, formado por 3 membros, persoal laboral do Concello de Carnota, e ditou o seu fallo, quedando os resultados da seguinte maneira:
NA CATEGORÍA INDIVIDUAL:
Nesta categoría foi na que máis participación houbo e os premiados foron:
Terceiro premio para Catalina con QUERO VER ÁS MIÑAS AVOAS.
Unha Carapuchiña moi linda!!!!!
O seu premio, un vale por 30 € para gastar nun local / negocio de Carnota.
O segundo premio vai para Andrea Daniela, unha PELIQUEIRIÑA ben pequena,
cun disfrace moi traballado, lembrándonos un dos entroidos máis recoñecidos do noso país.
Leva un vale por valor de 40 €.
O gañador foi Ramón, de San Mamede, un peliqueiro moi especial,
cun traxe feito a man, que chegou coma un TITIRITEIRO DO MUNDO ENTEIRO.
O seu premio, un cheque por valor de 60 € para gastar nun negocio de Carnota.
CATEGORÍA POR PARELLAS:
Houbo moito nivel aquí, pero había que tomar una decisión e quedou así:
Terceiro premio para Xiana e Begoña,
con O PALLASO E O GATIÑO TOLO,
que nos bailan ao ritmo dunha mítica canción entroideira.
Levan un vale por valor de 50 €.
Segundo premio para os irmáns Xoel e Breogán,
que son uns astronautas do máis simpático, con nave incluída.
Estes ASTRONAUTAS VIAXEIROS
gañan un cheque por valor de 60 €.
E os gañadores son os irmáns Iker e Valeria, que foron o máis!!!!!
Rockeiros e con composición propia, fálannos do Entroido tradicional. Son os SEBARROSERS.
O seu premio, un cheque por valor de 90 € para gastar nun negocio de Carnota.
CATEGORÍA GRUPAL/COMPARSA:
Así como nas outras categorías houbo varios vídeos e foi moi difícil a escolla, nesta de grupo só se presentou unha familia.
Representando un RAMO DE ROSAS MULTICOLOR.
Nai e fillos/as forman un lindísimo ramo que aleda o Entroido.
Para eles o premio é un cheque por valor de 150 € para gastar nun negocio de Carnota.
Queremos mandar un GRAZAS moi grande a todos e todas os/as participantes, por conseguir que, dun xeito ou doutro, se celebrara o Entroido !!!!!
