Xa está aberto o prazo de inscrición da VII Trail Viquinga do Concello de Carnota, un evento xa clásico da programación do Víndemo Ver (Mostra de Promoción Local de Carnota, 18-21 de abril), con percorridos para todas as idades, que terá lugar o domingo, 21 de abril.
A VII Trail Viquinga está organizada polo Concello de Carnota e Club Praia de Carnota Runners, coa colaboración do Club Ciclista 40”ss, Construccións e Obras Andujar SL., Eleuterio Balayo e Palcos Vimianzo SC.
Trátase dunha carreira circular polo que a saída (ás 10:30 h) e chegada será diante da Casa do Concello. O horario de apertura das mesas para a recollida de dorsais será ás 09:00 h na Casa do Concello e poderanse recoller ata 15 minutos antes do inicio da proba.
A prol de Unicef
As categorías infantís (Pitufos, Cativos I e II), participarán a prol da campaña de Unicef “Gotas para Níxer”. Nas mesas de recollida de dorsais atoparán unha urna na que poderán colaborar cun donativo.
Inscricións
As inscricións realizaranse a través da páxina web www.galitiming.com (á que pode acceder máis abaixo), ata o mércores, 17 de abril ás 23:59 h cun custo de 5€ para as categorías Sénior e M50, no caso dos/as menores de idade será gratuíta.
A solicitude de inscrición para os/as deportistas menores de idade deberá ir acompañada dunha autorización dos proxenitores/titores, segundo o modelo establecido pola organización. O dito formulario poderase descargar na páxina web www.galitiming.com e tamén estará á vosa disposición no Departamento de Deportes do Concello de Carnota.
Percorridos das categorías infantís e servizos
Horarios: 21 de abril de 2019
Praza de San Gregorio, 19, 15293 Carnota (A CORUÑA).
- 09:00 h Recollida de dorsais.
- 10:30 h CATEGORÍAS SÉNIOR E M50 (feminina e masculina)
- 10:45 h CATIVOS II 3Km (Anos 2004-2007)
- 11:00 h CATIVOS I 1Km (Anos 2008-2011)
- 11:30 h PITUFOS 300m (Anos 2012-2015)
Pitufos (2012-2015) 300m
Cativos I (2008-2011) 1.000m
Cativos II (2004-2007) 3.000m
