Xa está dispoñible o tráiler de “Lupa: na procura do mito da Raíña Loba”, un proxecto audiovisual para a divulgación e posta en valor do noso patrimonio cultural.
O documental recolle a hisoria dun dos mitos máis significativos da nosa cultura: o mito da raíña Lupa e o mito da traslación do apóstolo Santiago a través dunha viaxe fascinante polo patrimonio material e inmaterial do noso país, montes sagrados coma o monte Pindo, covas misteriosas como a Cova da Xoana e moitas outras paisaxes naturais e míticas do concello de Carnota.
